CLE 01823 = CIL 11, 06080

Tu dum esses ad superos, nemo mihi fuit formonsior ulla.

Quae prostrata iaces indigna circumdata terra,

Quae caruisti, uiam luci secuta es.

Sic merito tales uersus descripserim in te

5

Non studio sed mente data et cogente dolore.

Haec mihi Titiane primum in conubio iuncta est,

Haec prima doloris dulcior in me fuit ut mente repellat,

Et subito maestum rapta reliquit in aeuum.

Quem frui non licuit annis per ultimo fato.

10

Acerua a matre rapta es ut paruulus agnus,

Sic ut ille miser raptus uouitur aris,

Et me tam puerum cito fecisti dolentem.

Parentes miseri meum patiuntur in aeuo dolorem.

Vt rosa uere nouo grata est in tempore paruo,

15

Sic fuit infelix haec mihi gratissima coniunx.

Regio VI Umbria / Località: Urvinum Mataurense / Urbino
Datazione: 100-200 d.C.

Praescriptum: D(is) M(anibus) // B(onae) m(emoriae) / C(aius) Arrius Victorinus / maritus / Uttedi(a)e Titianeni

Postscriptum: vixit an(n)is XVII me(n)sibus VIII dieb(us) [...] / felix lapid[em ...]

EDCS
EDR
TM

 

Testo base di riferimento: CLE 01823

Cura dell'edizione digitale: A. Prontera, 2022

 

vv. 1-4: Altri metri-Esametri

vv. 5-6: Esametri

v. 7: Altro metro

vv. 8-12: Esametri

v. 13: Altro metro

vv. 14-15: Esametri