CLE 01550 = Cholodniak 00604 = CIL 11, 01209

A

Hunc titulum natae genetrix decepta paraui

Post t[en]er[o]s manes et acerbae funera morti[s.]

Illa bis octonos uixit miseranda per annos

Eleg[itque sub hac non tristes lege te]nebras,

5

Vt plenos lacrimis oculos manus altera clu[d]at.

[Illa prior moriens fatis melioribu]s usa est,

Namque mori leuior poena est quam quaerere [mortem.]

[...]is

Infelix natae cineres custodio [m]a[ter]

10

[...]i.

B

Ante bis octonos quam lux mihi uerteret [annos,]

     Tale nefas matri mors proper[at]a [tulit.]

Illa meis semper tum[ulis miserabilis haeret]

     Luget et in nostr[a sola relicta domo.]

15

Infelix Stygio u[ult uitam dedere regi]

     Adiacet et tu[mulis talia saepe querens:]

'Saeue, precor, n[e fata neges. quin me quoque sede]

     Excipis Elysia? ma[xima poena placet?]

Viximus: Hennaeae si te docuere rapinae,

20

      Erubuit nostras Atropos ipsa colus.

[Raptast: te species formoso co]rpore sac(ra)

     [Inlexitque aetas inuiolata] toro.

[Linquor at indigne, quam frangunt marco]r et ann(i),

     [Linquor, adire tuas sponte parat]a domos'.

25

[Amplexu, dum uerba refert, tenet il]la sepulc(rum),

     [Admouet ad manes mollia la]bra meos.

[Sic anima exoritur tumulo uisur]a penates

     [Et quos morte mea fuge]rat ipsa rogos.

Viuit: f[as sit] sic, animae Manesq(ue) piorum,

30

      Dum uenio matris funere tarda comes.