CLE 01198

Qui legis has pueri moribundas perlege uoces

      Et lacrimam fatis da gemitumque meis.

Murra patris primam referens e nomine partem,

      Amborum effigiem matre fauente tuli.

5

Bis mihi septenos aetas ostenderat annos

      Certaque iam nostri fama pudoris erat,

Cum subito mortis, pro fallax, causa fuisti

      Lusus et aequalis non inimica manus.

Nam temere emissus non ad mea funera clauus

10

      Haesit et in tenero uertice delituit.

[At uos hoc] primum perculsi uulnere manes

      Parcite iam luctu sollicitare meos,

[Quos simul alterius] posuistis funere nati,

      Trimus et in decimo mense sepulte iaces,

15

[Ad placidas quem di sedes curisque] uocarunt

      Immunes: nostris ossibus urna sat est.

 

Elegiac couplets