CIL 11, 04765,3 = ICI-06, 00046

Quidnam igitur mirum magno si culmina Petro

      Quolibet existant aedificata loco,

Cum quae per totum celebratur ecclesia mundu(m)

      In fumdamento fixa Petro maneat?

5

Namque illi d(eu)s ipse caput qui corporis extat

      Propterea petrae nomen habere dedit;

Dicens esto Petrus quoniam fundabo super te

      Quam mihi munc toto molior orbe domum.

In te per cunctas consistit ecclesia gentes

10

      Vincit et inferni carceris imperium;

Namque datis clauibus caelorum claudere portas

      Et reserare dedit pro meritis hominum.

Quaecumque in terris fuerit sententia Petri,

      Haec erit in caelis scripta notante deo.

15

Dixit enim tu es magno mihi nomine Petrus

      Et tibi caelorum fortia claustra dedi

Hac dicione potens terra caeloque Petrus stat,

      Arbiter in terris ianitor in superis.

Provincia: Umbria / Regio VI Località: Spoleto / Spoletium
Datazione: V sec. d.C.

 

Reference basis text: CIL 11, 04765,3

Editing of the digital edition: E. Saltelli, 2011

 

Elegiac couplets