CLE 01504 = CIL 14, 03565 = Courtney 1995, 00155** = InscrIt-04-01, 00066

A

Salue, sancte pater Priape rerum,

Salue. da mihi floridam iuuentam,

Da mihi ut pueris et ut puellis

Fascino placeam bonis procaci

5

Lusibusque frequentibus iocisque

Dissipem curas animo nocentes

Nec grauem timeam nimis senectam,

Angar haud [miser]ae pauore mortis

Quae ad domu[s] trahet inuida[s Auer]n[i,]

10

Fabulas manes ubi rex coercet,

Vnde fata negant redire quemquam.

Salue, sancte pater Priape, sal[u]e.

B

Conuenite simul quot est[is om]nes,

Quae sacrum colitis [ne]mus [pu]ellae,

15

Quae sacras colitis a[q]uas puellae,

Conuenite quot estis atque [be]llo

Voce dicite blandula [Pria]po:

Salue, sancte pater Priape rerum.

[In]guini oscula figite inde mille,

20

[Fasci]num bene olentibus [cor]onis

[Cing]ite illi iterumque dicite omnes:

[Salue, san]cte pater Priape rerum.

Nam malos arcens homines [cr]uentos

Ire per siluas dat ille uo[b]is

25

Perque opaca silentia incruenta,

Ille fontibus arcet et scelestos,

Inprobo pede qui sacros liquores

Transeunt faciuntque turbulentos

Qui laua[n]tque manus nec ante multa

30

Inuocant prece uos, deae pu[ellae.]

'O Priape, faue, alme' dicite [omnes,]

'Salue, sancte pater Priape, [salue.']

C

O Priape potens ami[ce, salue,]

Seu cupis genitor uo[cari] et auctor

35

Orbis aut physis ipsa Panque, salue.

Namque concipitur tuo uigore

Quod solum [repl]et, aethera atque pontum.

Ergo salue, Priape, salue, sancte.

Saeua [Iuppiter] ipse te uolente

40

Vltro fulmina ponit atque [se]des

Lucidas cupidus suas relin[quit.]

Te Venus bona, feruidus Cupido,

Gratia et ge[minae] colunt [sor]ores

Atque laeti[tiae da]tor Lyaeus.

45

Namque te si[ne n]ec Venus proba[tur,]

Gratiae illepidae, Cupi[do, Ba]cchus.

O Priape potens amice, salue.

Te uocant prece uirgi[nes pudi]cae,

Zonulam ut soluas diu ligatam,

50

Teque nupta uocat, sit ut mar[ito]

Neruus saepe rigens potensque sem[per.]

Salue, sancte pater Priape, s[alue.]

8

[miser]ae suppl. Lami

9

domu[s] ... inuida[s Auer]n[i,] suppl. Lami

13

est[is om]nes, suppl. Lami

14

[ne]mus [pu]ellae, suppl. Lami

16

[be]llo suppl. Lami

17

[Pria]po suppl. Lami

20

[Fasci]num ... [cor]onis suppl. Lami

21

[Cing]ite suppl. Lami

22

[Salue, san]cte suppl. Lami

23

[cr]uentos suppl. Lami

30

pu[ellae.] suppl. Lami

31

[omnes,] suppl. Lami

32

[salue'] suppl. Lami

33

ami[ce, salue,] suppl. Lami

37

[repl]et suppl. Lami

39

[Iuppiter] suppl. Lami

43

ge[minae] ... [sor]ores suppl.

44

laeti[tiae da]tor suppl. Lami

45

si[ne n]ec suppl. Lami

46

Cupi[do, Ba]cchus. suppl. Lami

48

uirgi[nes pudi]cae, suppl. Lami

52

[salue.] suppl. Lami

Regio I Latium et Campania / Locaità: Tibur / Tivoli
Datazione: 1-50 d.C.

EDCS
EDR
TM

 

Testo base di riferimento: CLE 01504

Cura dell'edizione digitale: A. Prontera, 2022

 

Lami = G. Lami ap. H. Dessau, Corpus Inscriptionum Latinarum (CIL) XIV: Inscriptiones Latii veteris Latinae, Berolini 1887

vv. 1-5: Endecasillabi falecii

v. 6: Saffico

vv. 7-9: Endecasillabi falecii

v. 10: Saffico

vv. 11-22: Endecasillabi falecii

v. 23: Saffico

vv. 24-52: Endecasillabi falecii