CLE 01432 = Alumnus 00951 = ICUR-02, 04209 = ILCV 03484

Helpis dicta fui, Siculae regionis alumna,

      Quam procul a patria coniugis egit amor,

Quo sine maesta dies, nox anxia, flebilis hora,

      Nec solum caro sed spiritus unus erat.

5

Lux mea non clausa est tali remanente marito,

      Maioriq(ue) animae parte superstis ero.

Porticibus sacris iam non peregrina quiesco

      Iudicis aeterni testificata thronum,

Ne qua manus bustum uiolet, nisi forte iugalis

10

      Haec iterum cupiat iungere membra suis,

Vt thalami tumuliq(ue) comis nec morte reuellar

      Et socios uitae nectat uterq(ue) cinis.

Regio I Latium et Campania / Località: Roma
Datazione: 500-600 d.C.

EDCS
EDB
TM

 

Testo base di riferimento: CLE 01432

Cura dell'edizione digitale: A. Prontera, 2022

 

Distici elegiaci