CLE 01411 = ICUR-07, 19056 = ILCV 00103

Hic iacet ingenio celsus, celeberrimus ore,

      Quem titulis ueterum iungere iure queas,

Conspicuam cuius suspexit curia linguam,

      Omnia compleuit scrinia grandilocus,

5

Fortunas hominum defendit pectore casto,

      Martia quem rapuit protinus aula sibi,

Qua Scythicum frigus, qua feruens zona timetur,

      Ac patriae causas regibus adseruit.

Exulta tantis uir semper amande trophaeis,

10

      Munere nec uitae te caruisse putes.

Te fora, te cuncti, te magnum curia quaerit,

      Priuatam eloquio se dolet esse tuo.

Nulla tuos poterit titulos delere uetustas,

      Aeterna in libris nam tibi uita uiget.

11

Bücheler Magnum nomen rhetoris fuisse coniecit, Magnum Arborium (PLRE I, s.v. (?Magnus) Arborius 3), Magnum Felicem (PLRE II, s.v. Felix 21) et Magnus (PLRE II, s.v. Magnus 2) conferens

Regio I Latium et Campania / Località: Roma
Datazione: 300-400 d.C.

Postscriptum: [... pos]t cons(ulatum) divi Leonis

EDCS
EDB
TM

 

Testo base di riferimento: CLE 01411

Cura dell'edizione digitale: A. Prontera, 2022

 

Bücheler = F. Bücheler, Carmina Latina Epigraphica, I-II, Lipsiae 1895-1897

Distici elegiaci