CLE 01404 = ICUR-02, 05459 = ILCV 03456

Quos gemitus, Romane meus, in pectore linquis,

      Quam mihi post obitum te superare uelim.

Te genetrix solitas perquiram uoce per oras,

      Anxia mens miserae posse uidere putat,

5

Auribus inque meis noluisti reddere uerbum:

      Partibus in illis tu meliora tenes.

Per uarios fletus numquam uisura canebam

      'Abstulit hunc ergo mors inimica mihi?'

Tu dulcis quotiens reddebas oscula matri,

10

      Brachia per collum, dum tibi uita fuit.

Sors, mihi si iuuenem uoluisti tollere natum,

      Antea me raperent Tartara grata magis.

Quintus ab undecimo quem nunc susceperat annus,

      Cresceres ut melius, blandus amicus eras.

15

Omnibus hic renouas magnos in carmine luctus,

      Forsitan ut taceam littera sola docet.

Verus amor docuit istos infigere uersus

      <>

Regio I Latium et Campania / Località: Roma
Datazione: 300-500 d.C.

EDCS

 

Testo base di riferimento: CLE 01404

Cura dell'edizione digitale: A. Prontera, 2022

 

Distici elegiaci