CLE 01368 = CIL 05, 06464 = D 02952 = ILCV 01046

Ennodius uatis lucis rediturus in ortu

     Hoc posuit tumulo corporis exubias,

Clarus prole quidem, generosior ipse propinquis,

      Quos functus laudum iussit habere diem.

5

Reddedit hos caelo uiuacibus ille figuris,

      Cum fecit famae uiuere conloquiis.

Quid mirum, si morte caret post busta superstis,

      Qui consanguineos restituit superis?

Quantos iste foret, mundi caelebrator in hortu

10

      Nec silet occidui cardinis oceanus.

Scismata coniunxit dudum discordia legi

      Adque fidem Petri reddedit ecclesiis.

Pollens eloquio, doctrinae nobilis arte,

      Restituit Cristo innumeros populos,

15

Largus uel sapiens dispensaturque benignus,

      Diuitias credens quas dedit esse suas.

Templa deo faciens ymnis decorauit et auro,

      Et paries functi dogmata nunc loquitur.

2

exubias; exuuias i.e.

5

Reddedit; reddidit i.e.

7

superstis; superstes i.e.

17

ymnis; hymnis i.e.

Regio XI Transpadana / Località: Ticinum / Pavia
Datazione: 17/07/521 d.C.

Postscriptum: depositus sub d(ie) XVI Kal(endas) Augustas / Valerio v(iro) c(larissimo) consul(e)

EDCS
EDR
TM

 

Testo base di riferimento: CLE 01368

Cura dell'edizione digitale: A. Prontera, 2022

 

Distici elegiaci