CLE 01279 = Cholodniak 01066 = CIL 02, 04314 = CIL 02-14, 01281 = D 05299 = RIT 00444

Hoc rudis aurigae requiescunt ossa sepulchro

      Nec tamen ignari flectere lora manu,

Iam qui quadriiugos auderem scandere currus

      Et tamen a biiugis non remouerer equis.

5

Inuidere meis annis crudelia fata,

      Fata quibus nequeas opposuisse manus.

Nec mihi concessa est morituro gloria circi,

      Donaret lacrimas ne pia turba mihi.

Vssere ardentes intus mea uiscera morbi,

10

      Vincere quos medicae non potuere manus.

Sparge, precor, flores supra mea busta uiator:

      Fauisti uiuo forsitan ipse mihi.

Provincia: Hispania Citerior / Località: Terraco / Tarragona
Datazione: 100-200 d.C.

Praescriptum: D(is) M(anibus) / Eutycheti / aurig(ae) ann(orum) XXII / Fl(avius) Rufinus et / Semp(ronia) Diofanis servo b(ene) m(erenti) f(ecerunt)

EDCS
CLEo
HEp

 

Testo base di riferimento: CLE 01279

Cura dell'edizione digitale: A. Prontera, 2022

 

Distici elegiaci