CLE 00893

Constanti uirtus studium uictoria nomen

      Dum recipit Gallos, constituit Ligures,

Moenibus ipse locum dixit duxitque recenti

      Fundamenta solo iuraque parta dedit.

5

Ciues, tecta, forum, portus commercia, portas

      Conditor extructis aedibus instituit,

Dumque refert orbem, me primam protulit urbem,

      Nec renuit titulos limina nostra loqui,

Et rabidos contra fluctus gentesque nefandas

10

      Constanti murum nominis opposuit.

 

Elegiac couplets


 EDR