CLE 01175 = Cholodniak 01125 = CIL 06, 29896

Gallia me genuit, nomen mihi diuitis undae

      Concha dedit, formae nominis aptus honos.

Docta per incertas audax discurrere siluas

      Collibus hirsutas atque agitare feras,

5

Non grauibus uinclis umquam consueta teneri

      Verbera nec niueo corpore saeua pati.

Molli namque sinu domini dominaeque iacebam

      Et noram in strato lassa cubare toro

Et plus quam licuit muto canis ore loquebar:

10

      Nulli latratus pertimuere meos.

Sed iam fata subii partu iactata sinistro,

      Quam nunc sub paruo marmore terra tegit.

Regio I Latium et Campania / Località: Roma
Datazione: 100-200 d.C.

Postscriptum: Margarita

EDCS
EDR
ACE-CIL

 

Testo base di riferimento: CLE 01175

Cura dell'edizione digitale: A. Prontera, 2022

 

Distici elegiaci