CLE 00734 = CIL 06, 32000 = ICUR-01, 00307

Consul in egregiis bis senis fascibus auctus

Magnus ab Insteiis gens inclyta Pompeianus

Istic terrenos terrenis sedibus artus

Reddidit, inque sinus summi genitoris apertum

5

Aethera peruolitans leuibus se sustulit alis,

Caeloq(ue) et terris placida sic pace repostus

Felix luce noua saeclorum in saecula gaudet.

Femineo sed uicta animo et miserabile dulci

Germano diuulsa dolens fratremq(ue) requirens

10

Paula soror tumulum dedit et solacia magni

Parua tulit luctus, tristiq(ue) heu pectore 'Salue

Perpetuumq(ue) uale frater carissime' dixit.

Regio I Latium et Campania / Località: Roma
Datazione: 300-400 d.C.

EDCS

 

Testo base di riferimento: CLE 00734

Cura dell'edizione digitale: A. Prontera, 2022

 

Esametri