CLE 00654 = CIMRM-01, 00206 = D 01264 = EE-08-01, 00648

Inter auos proauosque tuos sanctumque parentem

Virtutum meritis et honoribus emicuisti,

Ornamentum ingens generis magnique senatus,

Sed raptus propere liquisti, sancte Kameni,

5

Aeternos fletus obiens iuuenalibus annis.

Te dulcis coniunx lacrimis noctesque diesque

Cum paruis deflet natis, solacia uitae

Amisisse dolens casto uiduata cubili.

Quae tamen extremum munus, solacia luctus,

10

Omnibus obsequiis ornat decoratque sepulcrum.

Regio I Latium et Campania / Località: Antium / Borgo San Donato
Datazione: 385 d.C.

Postscriptum: Alfenio Ceionio Iuliano Kamenio v(iro) c(larissimo) quaestori candidato / pr(a)etori triumfali VIIviro epulonum patri sacrorum Summi / Invicti Mitrh(a)e hierofante (H)ecatae archibucolo dei Liberi XVviro / s(acris) f(aciundis) tauroboliato deum Matris / pontifici maiori consulari / Numidiae et vicario Africae qui vixit annos XLII m(enses) VI d(ies) XIII / rec(essit) II Nonas Septemb(res) d(omino) n(ostro) Archadio et Fl(avio) Bautone v(iro) c(larissimo) conss(ulibus)

EDCS
EDR

 

Testo base di riferimento: CLE 00654

Cura dell'edizione digitale: A. Prontera, 2022

 

Esametri