CLE 00443 = CIL 06, 10969 = Exoff p 210

Quisquis ades celeri gressu, precor, ito uiator,

Ito procul et linque nefas, tibi dico, uiator:

Parce oculis nec nostra uelis cognoscere fata,

Sanguinea palla quae texit prodiga Clotho

5

Et fauit rupisse suas quoque fila sorores

Luctifica properante manu. iam siste uiator,

Ne tibi sim penitus quaerenti causa doloris:

Sede sub hac parua titulo paruoque tenetur

Parua [ani]ma, dolor immensus crudileque [fu]nus

10

Orbatusque parens geminus, spes dura trienni

Diraque sors leti. placet hoc, Fortuna, sepulchrum?

9

crudileque; crudeleque i. e.

Regio I latium et Campania / Località: Roma
Datazione: 117-138 d.C.

Praescriptum: D(is) M(anibus) / Aeliae P(ubli) f(iliae) Sabinae dulcissim(ae) / Aelius Trophimus et Longinia / Sabina parentes fecerunt

EDCS
EDR
ACE-CIL

 

Testo base di riferimento: CLE 00443

Cura dell'edizione digitale: A. Prontera, 2022

 

Esametri