CLE 00428 = Cholodniak 00599 = CIL 10, 08131 = Stabiae 00012

A male Parcarum dura de lege sororum

Raptus in his iaceo telluris sedibus atrae,

Bis septem minus ante dies quam quinque per orbes

Solis eoigenae complerem paruulus annos,

5

Nomine Longinius, praenomine Gaius olim,

Cui Proculus cognomen erat, nunc umbra nec umbra

Subter humum positus mortis tegor ecce sepulchro.

Nec minus et contra genetricis fratre creatus

(Quattuor hic annis ex quadraginta diebus

10

Maior in aeternam mersit sua lumina noctem)

Hic meus ut frater Stabiano litore mecum

Conditur, in tenebris Acherontis labitur undis.

Nunc tibi ne graue sit, felix quicumque uiator,

Dicere: si sapiunt aliquid post funera Manes,

15

Antoni et Proculi molliter ossa cubent.

Regio I Latium et Campania / Località: Stabiae / Castellammare di Stabia
Datazione: 100-200 d.C.

Postscriptum: C(aius) Longinius Priscus pater / trierarc(hus) cl(assis) pr(aetoriae) Mis(enensis) et / Licinia Procilla mater / filio dulcissimo

EDCS
EDR
ACE-CIL

 

Testo base di riferimento: CLE 00428

Cura dell'edizione digitale: A. Prontera, 2022

 

vv. 1-14: Esametri

v. 15: Pentametro