CLE 00055 = CIL 06, 10096 = CIL 01, 01214 = CLENuovo p 97 = D 05213

Heus oculo errante quei aspicis leti domus,

Morare gressum et titulum nostrum perlege,

Amor parenteis quem dedit natae suae,

Vbei se reliquiae conlocarent corporis.

5

Heic uiridis aetas cum floreret artibus

Crescente et aeuo gloriam conscenderet,

Properauit hora tristis fatalis mea

Et denegauit ultra ueitae spiritum.

Docta, erodita paene Musarum manu,

10

Quae modo nobilium ludos decoraui choro

Et graeca in scaena prima populo apparui.

En hoc in tumulo cinerem nostri corporis

Infistae Parcae deposierunt carmine.

Studium patronae, cura, amor, laudes, decus

15

Silent ambusto corpore et leto tacent.

Reliqui fletum nata genitori meo

Et antecessi, genita post, leti diem.

Bis hic septeni mecum natales dies

Tenebris tenentur Ditis aeterna domu.

20

Rogo ut discedens terram mihi dicas leuem.

13

Infistae; infestae norm.

Regio I Latium et Campania / Località: Roma
Datazione: 100-44 a.C.

Praescriptum: Eucharis Liciniae l(iberta) / docta erodita omnes artes virgo vixit an(nos) XIIII

EDCS
EDR
Tyche

 

Testo base di riferimento: CLE 00055

Cura dell'edizione digitale: L. Sansone di Campobianco, 2009 - A. Prontera, 2022

 

Giambici